الثوره قامت علشاني
لما هنا كنت بعاني
عشان اقول الي في بالي
مخنوقه جوايا حروفي
خايفه تقرب من خوفي
علشان ما يخرج سجاني
سجاني وحش بصوت الغاب
اسود قوي شاهر انياب
مصاص دما جوا اوطاني
وانا وطني كان نايم مقهور
م الصمت صوته حمم بتثور
بركان بيشعل جوه عقول
صرختها دوت بميداني
وميداني ثاير من يومه
من فبل كامل وعرابي
لحد ثورة يوليو جمال
بدا ايماني بكياني
وكيانب شب وشد الحيل
قال للامل نصنع مجاديف
ونعدي للبر التاني
والبر كان علي شط قنال
اخدوه صهاينة الاستعمار
بقوة الوحش الجاني
لكن لا ضعف ولا استسلام
ردينا فعل ومش بكلام
عدينا فوق كل الالغام
رجعنا سينا بعون الله
ورفرفت كل اعلامي
لكن نظرة نفس الغول
طمعانه فيها بنفس القول
بلفور وعد وترامب يغول
بسلاح يفرق بيه ويسود
وانا قلمي ثاير ولساني
يقول نخلي الايد واحده
القوه اقوي بالوحده
وايمانا نصره رباني
والله نصره رباني
هناء حواس
تعليقات
إرسال تعليق