رباعيات بقلم: صلاح منير
رقم16
الشعر الحقيقي مش كلام مرصوص ولا قافية
الشعر الحقيقي محتاج موهبة وفهم لبنا الأفعال
عايز ثقافة وخبرة واحساس مش حاجة بالعافية
موهوب وتقرأ كتير تبقى للشعر الحقيقي قوال
رقم17
عجبي عليك يا زمان فيك نشوف العجب
فيك المجبور ع الصوم وفقره هو السبب
مع انه لا رمضان أو شعبان ولا رجب
وفيك المتخوم وفلوسه كنزها فضة ودهب
رقم18
أصحاب الوعد والموعدين بيهم فيهم أنا مليش
عشان تنول المراد وتبقي في العالي فوق الهيش
لا بد تهاود وتنحني ومن فعل العيب ما تختشيش
أتخن ما فيهم مرتشي ويقول أشرف مني انا مفيش
رقم19
الصبر مفتاح الفرج واللي صبر بينول
وأنا صبري طال وبهمي التقيل سلمت
لا قلبي ارتاح وبالهم بات البال مشغول
سهران الليل وان نمت ألقاني بالهم حلمت
رقم20
قالوا داري على شمعتك تقيد وتنور
حبيت وداريت وصبرت على الأوجاع
ولما داريت وجعي زاد فوق ما تتصور
لو كنت بوحت يمكن كت شفيت الأوجاع
صلاح منير
مصر
رقم16
الشعر الحقيقي مش كلام مرصوص ولا قافية
الشعر الحقيقي محتاج موهبة وفهم لبنا الأفعال
عايز ثقافة وخبرة واحساس مش حاجة بالعافية
موهوب وتقرأ كتير تبقى للشعر الحقيقي قوال
رقم17
عجبي عليك يا زمان فيك نشوف العجب
فيك المجبور ع الصوم وفقره هو السبب
مع انه لا رمضان أو شعبان ولا رجب
وفيك المتخوم وفلوسه كنزها فضة ودهب
رقم18
أصحاب الوعد والموعدين بيهم فيهم أنا مليش
عشان تنول المراد وتبقي في العالي فوق الهيش
لا بد تهاود وتنحني ومن فعل العيب ما تختشيش
أتخن ما فيهم مرتشي ويقول أشرف مني انا مفيش
رقم19
الصبر مفتاح الفرج واللي صبر بينول
وأنا صبري طال وبهمي التقيل سلمت
لا قلبي ارتاح وبالهم بات البال مشغول
سهران الليل وان نمت ألقاني بالهم حلمت
رقم20
قالوا داري على شمعتك تقيد وتنور
حبيت وداريت وصبرت على الأوجاع
ولما داريت وجعي زاد فوق ما تتصور
لو كنت بوحت يمكن كت شفيت الأوجاع
صلاح منير
مصر
تعليقات
إرسال تعليق