#ملك بحبك

ملك بحبك
_____
_ كل الكلام خارج بحب ، كل الكلام ... ينطق بحبك
_ احاول أسأل عنك بجد،ينطق لسانى ويتمنى قربك
_ كل الحروف اتبخرت ، كل القاموس ..حروف لحبك
_ ابات افكر فى كلام كتير ، وكله يطير لما ابقا جنبك
_ بعلو صوتى أقول أحبك واتمنى قربك،واعيد احبك
_ الباء بحبك والحاء حبيبتى والباءتقول الجنةقربك
_  والكاف كتاب ...حروفة حبك ..و مكتوب بعشقك
_ انادى اسمك يطلع بحبك،وفى خيالى أناجى صورتك
_ وأقول بحبك ....وطول حياتى...  شغلانى سيرتك
_ كلمة بحبك سيطرت و الحروف اتغيرت بفضل لغتك
_ اخدت حبك مذهبى ومطلبى.. وقلمى حالف يكتبك
_ يكتب بحبك ، ويكتب بحبك مليون قصيدة بتوصفك
_ حبك عزلنى بأجمل جزيرة وأنت الأميرة وأنا خادمك
_ أسوار جزيرةعاليةقوية،وأنا سعيد إنى ضحية قوتك
_ بحلم حبيبتى تقوى حصونك وتحمينى داخل جنتك
_ بالحب عايش ملك الزمان ،أنا ملك لأنى داخل دنيتك
أحمد الأبيض