#احضني الباقي في عمري

احضني الباقي في عمري
احضني الأيام ف شعري
ياللي عشقك هو روحي
والهوا ف شيبي وصغري

احضني الحب الحقيقي
وابعدي الخوف عن طريقي
ياللي احلامك بتسري
انتي أحلامي وصديقي.

حطي روحك بين كفوفي
دا انتي ف دمك حروفي
وانت نور الكون ف دربي
وانتي أمني وانتي خوفي .

 واسبقيني بألف خطوة
ياللي حبك ليا دعوة
إن انا ابقي في روحك
وانتي ليا حاجة حلوة.

همسك المخنوق حياة
يترسم فوق الجباه
يبقي ليا ألف شارة
والشارات طوق النجاة.

لو بعدتي مرة عني
مين معايا راح يغني
ولا مين يسمع بكايا
دة انتي شعري وانتي فني.
تحياتي
شيخ السجالات
البدري زايد.