الفين سلام وتحيه
عبدالمنعم عدلى..مصر
الفين سلام وتحيه
على الواد أبو
نسر ودبوره وطاقيه
اللى عامل نفسه
قائد للسريه
ماشى وشايل
علم بهيه
وراح على الرمل
وقال شهادة قوية
أكملواالمشوار
وإحموا الرمال
أنا فداكم
وكفايا عليا
علم بلدى
كفن مجدى
مش خسارة فيا
الفين سلام وتحيه
على جنود السريه
اللى حفروا الرمل
ودفنوا اعداء بهيه
الفين سلام وتحيه
على عسكرى فى السريه
ضحى بنفسه
لأجل مايعيش ولده
فى التهلكه و قال
الله اكبر
تعيشي يامصر
وراحت أشلاؤوه
على الرمال
فتات ودم
أحمر بيغلى
وروح بتصعد
فوق السحاب
والنجيمات الصغيره
واقفة بتتفرج
والقمر بيزغرد
والحوريه واقفة مستنيه
وغزلت طرحتها
من دم ابن بهيه
الفين سلام وتحيه
على وليد صغير
واقف بيحي العلم
ويقول أنا
فداء البلد
هكمل المشوار
فى حب بهيه
الفين سلام وتحيه
بقلمى عبدالمنعم عدلى
تعليقات
إرسال تعليق