فاكرة أول مرة شفتك
............................
فاكرة أول مرة شفتك
في شقة أختي الكبيرة
وسعت الدنيا مذ عرفتك
مع إن شقتها صغيرة
حتى ليلة ما شفت شعرك
ساعة ما نقضتِ الضفيرة
لونها كستنائي بجمال وردك
سارحة وخصلاتها غزيرة
وآه من تبسم خدك
ما شفت في النساء نظيره
وسنانك اللؤلؤ من بين شفايفك
تنور ليلي كالظهيرة
حتى الحروف ينطقها فمك
كأنها بالسكر مطيرة
والعبير فايح من ثغرك
نسمة صافية وقت الهجيرة
وأحلى من كلامك صمتك
وصوتك ما أجمل أثيره
كان أجمل يوم لمَّا قابلتك
كنتِ فيه أحلى أميرة
سحرتي عيوني بجمال قدك
وسهام عيونك الخطيرة
سحرك ودلالك وجمال خصرك
دفاتر بالعشق مُثيرة
مشاعرك وطغيان أنوثتك
بالحب فياضة وغزيرة
دفئك وحنانك ورحيق زهرك
ينبوع لا ينضب غديره
فلقيت روحي بتخاطب روحك
لمَ خمرتي عقلي يا أميرة
بقلم الشاعر المحامي/علاء عطية علي
تعليقات
إرسال تعليق