وبعدهالك يادنيا.... من كلماتى.. عــــــــــادل داود....
وبعدهالك يادنيا..معايا عن عذابى................... مابتوبيش
أصالحك تخاصمينى.وتوهى عن عنوانى...... ومابتجيش
بحايلك ومش طايلك والاسم. فيكى عايش... مابترويش
عطشان حنيه وعذابى حرمان وأسيه وعنى. مابتسأليش
وبعد هالك.. ـــــــــــــــــــــــــــــــــــــــــــــــــــــــــــــــ كرهانى.وسيبانى.أدوق.شقاكى.فين.أفراحك...ماعشتهاش
من ميلادى.أسمع عن. أفراح. عايشها الناس ماشوفتهاش
كل اللى عارفه. كوارث. من بشر ظلمونى وباعونى بلاش
صبرى نفذ.ومشوارى.طويل.وخايف من.نهايه.ماكتبنهاش
وبعدهالك... ـــــــــــــــــــــــــــــــــــــــــــــــــــــــــــــــ
ليه بعذابك فكرانى وفى فرحك نسيانى. وللمُر يادنيا مدوقانى
هو انا مش زى الناس لحم ودم وشعور وإحساس. ليه يادنيا قهرانى
مابصدق جرحى يطيب.اللى ماله حبيب ولاطبيب. ترجعى الجرح تانى.
هستحمل إيه ولا إيه. وليه كل دا. وليه. دمعى بحور وبالهم وجعانى.
وبعدهالك.. ـــــــــــــــــــــــــــــــــــــــــــــــــــــــــــــــ
انا متعذب ومتغرب.وطيبتى مصيبتى.عيزانى أنافق وأكدب
زى بشر ديابه إستباحوا.حق الغلابه.الف لأالحساب أصعب
إعملى زى.ماانتى عايزه. ليا رب اسمه.الكريم.رحمته أقرب.
المكتوب هشوفه.مهما كان عذابك وسيوفه.صابر. ومش هتعب
... كلماتى.. عــــــــــــــــــــــــــــادل داود.....
تعليقات
إرسال تعليق