مَبتألمش
نص بالعامية المصرية
بقلم الشاعرة /حنان فاروق العجمي
أتألِّم لا مش حسّٰة مبتألمش
أتعلِّم مش محتاجة لا مبتعلمش
يعني عايزني أعشق وأميل
وأحكي حكاوي ومواويل
نادر وجود الأصيل
الزمن قادر عَنِّي الهم يشيل
صحيح الليل طويل
لكن نهاري نورُه يزيل
الخيط الاسود مِ الشمس يخاف ويطير
وهنسِج على أغصاني حرير
أحزن ولَّا افرح
أخسر ولَّا اربَح
مش هيهمِّني لمِين أقدِّم تقرير
ولا هتكلم ولا عندي تبرير
الكل واحد وعند الحق مُحايِد
وان نطق الكدب يقولوا آمين
وف الكِبْر ماشالله
من العين محروسين
ويفرق إيه يعني قالولي معلش
أصلنا منعرفش
ولا عايزة طبطبة
ولا كلام زايد ولخبطة
ووقت الوقفة خلِص وانتهى
وجودكم أوعدَمُه ميلزمش
معلش زيادة على معلشِّكوا معلش
من راسي الحجر مبيتحركش
ف الظلم أنا متوصّٰاش
وفي العقل مبفهمش
طبخت الطبخة بتغلي عَ النار
وبخور وعملت أسحار
ورميت حقي وطردتني بإيدي م الدار
يعيني عليهم شافوا منِّي المرار
أكلتُهُم وشربت دماهُم ودمار
ياستّٰار على شرِّي يا ستّٰار
وقع وانهار ومنع عنّٰا شمس النهار
كَتّٰر خيرُه كان عندي الإختيار
أضحي بنٰبت صِغار
ولَّا روحي وارضِي غرور الفار
رميت روحي ودوست عليها برجليّٰا
وفضلوا صغاري بعنيّٰا
ودُنيتُه لَفِّت حواليه
الرد مش مُتَوَقَع فاكر هتذلل ليه
وِدانُه أصلها تعباه ودِيلُه لاهِيه
راجل من يومُه اسم الله عليه
كامل ومكَمَّل اسم الله عليه
اسم الله عليه اسم الله عليه
بقلم الشاعرة /حنان فاروق العجمي
تعليقات
إرسال تعليق