علمونا أهالينا اللى ماتوا
كلمات / عبدالناصر عياط - مصر -اسيوط
* علمونا اهالينا اللى ماتوا
يعنى ايه معنى الوفا
* يعنى ايه الحب يبقى
يعنى ايه هو الصفا
* علمونا ازاى نحب
ونفتح للخير الببان
* ان يبقى الاخ حضن
نحس جواه بالامان
* إننا لازم نسامح
وينتشر بينا الحنان
* ربوا فينا الإنسانية
عودونا الاحترام
* قالوا الخير ياولادنا
زرعة ليكم ع الدوام
* علمونا نعيش حبايب
مهما كانت الظروف
* فهمونا اليد واحدة
نتحد على اى خوف
٠٠٠٠٠٠٠٠٠٠٠٠٠٠٠٠٠٠٠
* بنعاهدكم من قلوبنا
* الوفا والود يبقى بين ولادكم
حتى فى الاحفاد كمان
* استحالة الفرقة تحصل
مهما دار بينا الزمان
* يارب ندعوك من قلوبنا
ما يفرقنا المكان
* مهما رحنا ولا جينا
أو حتى جارالزمان
من اجل الحفاظ على العلاقات الطيبة وصلة الأرحام بين أفراد العائلة الواحدة ابدأوا صفحة جديدة مع اخوتكم واخواتكم واهليكم ولا تنسوا الفضل بينكم ادام الله المحبة والمودة بين الجميع
كلمات / عبدالناصر عياط
تعليقات
إرسال تعليق