يالتنشدني عنه مو بالوصف ينگال
الماتشوفه العين محد يگدر يوصفه
ولو شفت بين الخلگ نازل ملاك
ا گلك لا ابد مايوصل لحسنه
سامع بنجم سهيل للدرب دلال
اخذ گلبي وسرى بدمي وسمه
گمر بدرب محتار تاه وذيب
يعوي مخنوگ وما ينسمع حسه
يدور اثر الضعن شال بليلة شته
وغت وظلمه وبي الف عثره
لايگدر ينسى االشاف ولا يگدر
يعود يدور بلكت يلگه اثر لاهله
عطشان وهو بچالي الماي
عطش محرور تاه بالصحره
يغشاه التعب والراي بين
الاهل والگلب ضاع وتعب فكره
لايگدر يعوف الشاف ويرد
ولا يگدر يعوفن ديرته واهله
والخوف كل الخوف من الشمات
من تسمع وتضل بس تهمس باسمه
ويصير سالوفة سمر تالي الليل
وهو راس ديوان وللفخر وصفه
وا گع بنار العشگ مسكين ياگلب
دومك موگع صاحبك بالالم والحسره
ولون ادري العشگ چتال
لامشيت دربه ولاعرفت شكله
نصير الحسيني
تعليقات
إرسال تعليق