زجلية تحت عنوان:
راك على صح***
سير...
راك غادي صح
بني وشيد ؤ لعب كبير
دير لفقسة لذاك لمجلوح
نقي لبلاد بحسن التدبير
دوس عثرة البومة ولعقل لمجلخ
وللحقرة والعشوائي طهر تطهير
بزاف منهم نهب ؤ سير
ؤ من عرق لمسكين ترفح
هاذوا ل خاصهم الجير
شوهة لأرض وجامي تفلح
فساد نظرهم ضرير
م يخليو لبلاد تزيد...
ولمسكين م بترفح
شناقة سراق لغير
قسمو لكعكة رباعت جلخ
هاذوا راهم سوسة راس م لهم شخير
داو كلشي ؤ حالهم م يصبح
سير
راك غادي ؤ وحدك تعاني
شعبك معاك فزطم على الحرطاني
انت باغي بلادك زينة لكن لعوين فاضي
واحد يبني ؤ واحد يفرشح
م بقى خاص غ تطهير الحارة
زنقة زنقة ؤ جمع ذوك لقمارة
ربط المسؤولية ؤ بنادم م يتزحزح
سراق العام نعاج يخافو م يحشمو
فآش دارو كاع وخا نهبو ؤ لمو
لمخير يبات مخلوع وفي الظلمة يصرخ
م يدور في حرية بحال الناس
غادي مخلوع ساكنو لوسواس
منوي غ بوحدو ديما مطحطح
فسير أصاحبي راك على صح
غير ذوك السراقة ل عمرو لمرح
سيقهم تزيان لبلاد والحق يصدح
سير راك على صح
بني شيد ؤزيد دير
لفقسة لذاك لعدو لمجلوح
***الزجال والشاعر:أحمد الكندودي ***المغرب ***
تعليقات
إرسال تعليق