رباعيات مطرزة

 رباعيات مطرزه ... بفن الواو 

وكر الحيايا

اللي فيك فيك يامؤذي................ومافيش رجاء منك

لابدلي فالدره ومرزي ................تعبت خلاص منك

داهيه تشيل الوحش.......... .........من سكه المخاليق

لابد في جحره كحنش ........ ....قاطع علينا الطريق

لا منك ولا كفايه شرك............متسيب الكون لصاحبه

في كل شئ ايه حشرك ............. انت ألاذي صاحبه

عامل كبرس الحيط .................... بتبخ ليه فالملح

وداير كما النطيط ......... ما بتحسب لعيش ولا ملح

ولا اخ سالم منك ..................... ولا ابن اخ  تسيب

سمك فعيش الكل ..................معدينا لجل النسيب

مين اللي اولي بودادك ................. الاهل ولا الصهر

مين القريب من ولادك .......... مين اللي سند الضهر

اعقل بقا وافهم  .............................. تعبتنا ذياده

منك بقينا فهم ........................وغدرك صبح عاده

ياما قلنا يانحله ابعدي ................... قرسك بياذينا

لاعدنا عيزين عسلك ...................ولا تيجي تودينا

طلعلك فروع يانحله ........... وبيضك فقس نحاليل

سحلتنا اجمد سحله ............ وأساتذة في التحاليل

صحيح اللي خلف مامتش ........ واللي أختشو ماتو

خلف الحناشه حيايا .............. وخلف الطيبين ذاتو

الخير ديما عالي ......................ورايته بيضه ونور

والشر زرعه خالي ....................وارضه ملحه وبور

صفي الضمير لله ..................تلقي الطريق مفتوح

واللي بيضمر شر ........... .... عمله عالدوام مفضوح

واحنا معانا ربنا ....................... وهو اللي بيسترنا

ولا مره بنقول ياعبد ............... وربك ديما بينصرنا

........................

رمضان عبدالباقي الاسكندريه

٢٩...١١...٢٠٢٢