///\\\ ^^^( حورية وشال )^^^///\\\
ا,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,ا
ا
قاعد عاشط البحر صيد
اتسلى
-*-*-*-* من زغر قلبي بسنارتي تعلق
ا
صدري من هموم الدني
اتملا
-*-*-*-* و بكل موجة الفكر عم يغرق
ا
رميت خيطي بعيد توكلت
عا الله
-*-*-*-* والدني صارت ضحى وجبينا تعرق
ا
سنارتي غرقت ماعرفت شو
صرلا
-*-*-*-* وحسيت انو الطعم بالسمك علق
ا
بسرعة سحبت الخيط قلت
بوصلا
-*-*-*-* طلعت حورية بحر سبحان ل خلّق
ا
فكرت متوهم ماعرفت شو
قلا
-*-*-*-* حتى بايدي مسكت شالها الازرق
ا
كل البحر بعدا هالعين
ماملّى
-*-*-*-* لما رسمها الرب شو بالحلى تزوق
ا
للنحل مونة سنة بشفافها
خلا
-*-*-*-* تأنى برسم الورد عاخدودها ورّوق
ا
لما خلق الجبين شو ربنا
اتجلى
-*-*-*-* ومعمل خمر بالعين نبيتها تعتق
ا
غابت بموجة والها القلب
صلى
-*-*-*-* صرخت بس تركيلي شالك الازرق
ا
خيوط الحلم بكير هالفجر
سلّا
-*-*-*-* ووعيت عامدّ البحر والجسم متغرق
ا
ا,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,ا
صباحكم حورية العشاق
بحر الفرح والحب
صباح النور
اصدقائي
ا---------------------------------------------ا
الشاعر السوري المهجري - د اليان سمعان
سفير السلام في كاليفورنيا - الولايات المتحدة
تعليقات
إرسال تعليق