.... يا ظالمني ....
قلبك انت ليه ظالمني
وفى البعاد منك حارمني
تنسي حبي وانت قربي
ولما اعاتب بتحايلني
يقولي كلي ليكي يااللي
طيفك بيشاغلني
والغرام اللي فى عيونك
سهم عشقه ده صايبني
بس بسأل قلبك أنت
ليه بيعند ويخاصمني
ألقي هجرك زاد حنيني
ونار بعادك بتحاصرني
مهما تنسي ولا تهجر
بلقي شوقي ليك واخدني
اطاوع قلبي واقول اصبر
يزيد الشوق بوجداني
واقول بكره فيوم يعقل
ويحس انه بيهواني
وينسي انه كأن معجب
بنهلة وسوسو وأماني
اشوف النظرة بعيونه
كأني بشوف واحد تاني
واشوفه بيحكي عن غيري
يزيد همي واحزاني
واغير شكلي علشانه
وتسرحتي وفستاني
واقول بكره فيوم يرجع
واجري عليه ويلقاني
وانسي انه يوم باعني
وبعت الكون علشانه
وان الغيرة توجعني
وبتألم وبعاني
وادوق المر بكاس هجرك
وأقول أنساه وينساني
ويكفي اللي عانيته
وأعيش العمر وحداني
واقول للحب جافيني
وابعد عنى وانساني
بيشكي اني ظلمته
وهو القاتل والجاني
الشاعرة
ايمان عبدالله والي
تعليقات
إرسال تعليق