ليه صحيتي الجرح
ليه صحيتي الجرح النايم..جوة كاسات الصبر القاسي
ليه صحيتي الدمع الجافي..جوة عيون مليانة مآسي
ليه طفيتي بنار الشوق..نبع الحب الجاري الصافي
ليه رجعتي بنظرة حزينة..ذكري كانت هي الماضي
ليه الصدفة تبقي جميلة..حزينة أليمة بعد الهجر
ما كان موال
صدفة وكانت كل آمالي..فاقت فيها كل خيال
صحت كل جراح الماضي..صحت فيا كل أمالي
صدفة وكانت من غير موعد..مسحت فيها كل آلامي
ليه رجعتي لقلبي شبابه..بعد ما قفل كل ابوابه
ليه رجعتي النبض لقلبي..بعد ما تاب من الحب وغدره
ليه أحلامي رجعت تاني..بعد ما شفيت كل جراحي
ورجعت أحلم واسرح تاني..بعد ما مليت من الاحلام
ليه صحيتي كل جراحي..وليه تاني أرجع أقاسي
ليه رجعتي ذكري الماضي..لما نسيته وهو نساني
ليه صحيتي الجرح النايم..ويرجع تاني قلبي يعاني
ليه قلبتي عليا مواجع..لما نسيت كل مواجعي
فكرتيني بقسوة قلبك..لما طفيتي بغدرك شمعي
ولا فكرتي في حزني ودمعي
ليييييييييييييييييييييييييييييييه
بقلم/جرجس فرنسيس
تعليقات
إرسال تعليق