أضمك لصدرى
تعالى أضمك لصدرى
وادفيك بانفاسى
واسقيك الشهد من قلبي
الحب فايض من كاسى
تعالى اخبيك برموشى
واشيلك فوق على راسى
يا دمعت فرح في عيونى
وكلمة حب في كراسي
تعالى وشوف بلاش الخوف
وحس بشوقى واحساسى
تعالى يا صحبتى واهلى وناسى
تعالى أضمك وانسى همك
هتلاقى في نفضى وعروقى
حروف اسمك ولون دمك
وصورتك تاج على راسي
مشتاق وشوقى سم في عروقي
يخليك في حضنى ماتفوقى
حبك رقتى وذوقى
من غير حبك مسلوب أنا
من روحي واحساسي
تعالى أضمك لصدرى
وادفيك بانفاسى
تعالى أضمك لصدرى
واغيب عن الدنيا وما أدرى
يا حور ونور ميلاد فجرى
يا حلمي وعلمى وتراثى
تعالى أضمك لصدرى
ودفيك بانفاسى
تعالى في قلبي يا نور دربي
يا حدودى شمال وجنوب
ونور ملكني من شرقي لغربى
يا وطن لقلبى واحساسى
تعالى أضمك لصدرى
وادفيك بانفاسى
✍️ عماد نصر
تعليقات
إرسال تعليق