( البخيل و البخل ) للشاعر الدكتور علي مسلم عجمي
-------------------------------
مال البخيل اللي معو ماهو إلو
للوارثينو رح يروح بأكملو
عايش حياتو كلها ذل و شقا
كل الملايين المعو بتذللو
حتّى و نقطة مي عمرو ما سقى
ظمآن و الفعل المفيد بيجهلو
بشحاذ لو عالدرب شي يوم التقى
بأسوأ معاملة الحقارة عاملو
البخل عادة سيئة ما بتنذكر
بالرغم كم في شخص بالبخل اشتهر
البخل سوء الظن كلو حاملو
و نكران للخير و صفاتو المعتبر
البخل لما شخص بالكف الملو
بيمسك فلوسو و لا فلس منها ظهر
بيعتبر كل شي بيعرفو بيسجلو
تلفان و اللي بيمسكو عز و فخر
البخل حاضن للمساوئ و العيوب
و قاطع التحنان من كل القلوب
عيشة فقير من الصِبا حتّى الرحيل
بيعيشها رغم التذلل و الذنوب
بالفقر عايش.بس أجرو مستحيل
ما إلو أجر و حالتو كلها كئيب
مهما غنى الأموال تكتر للبخيل
أفقر من الشحاذ واقف عالدروب
مهما البخيل فلوس جَمَّع بالحياة
و ما صرف منها غير بالمعنى فُتاة
بيعيش عيشة فقر..لفلوسو ذَليل
شحاذ دايم عالدروب و بالساحات
داء البخل ما لو علاج.و مستحيل
يلاقي الطبيب الدوا منو للنجاة
كل شي أموال جمعها البخيل
للوارثينو المال من بعد المماة
الشاعر د. علي مسلم عجمي
لبنان
تعليقات
إرسال تعليق