#ليه ياغربه

ليه  ياغربه
----
ليه فيكي الايام بتجري
وليه الجنيه ولي امري
لو صرفته ابقي بيه
ولو مافيش
ابقي عملت ايه
وليه انا بعت عمري
وليه ايامك بتجري
كنت فاكرك رحله
ومنها الرجوع قريب
وع اللي شاب فيكي كنت بعيب
وليه اللي  فاكرينهم حبايب
الظن  فيهم بسرعه خيب
طلعو بيحبو الجنيه
لو دفعته ابقي بيه
ولو مافيش
ابقي  عملت ايه
 ليه يا غربه اخدتي عمري
وبعته ليه
علشان كام جنيه
والا علشان ابقي بيه
طيب هما البهوات اخدو ايه
منا كنت في بلدي باشا
فرقت ايه
يفرق ايه الفول عن البغاشا
وانت وحدك اعد حزين
والاه جواك منحاشه سنيين
تسوي ايه
لما الليل  بطوله بتكلم حيطان
تسوي ايه
لما تنام من التعب جعان
قوم يا فالح كل فلوس
ال وحسداك النفوس
ليه
 يا غربه
اخدتي عمري
قوليلي اخدت منك ايه
هو متر قماش زياده
وطوبه ح تكون الوساده
يا ريتنا بس نحسن العباده
وهي دي الغربه يا ساده
==
بقلمي
بهاء محيسن
27/9/2018