#شوية غزل

---=0=---((( شوية غزل )))---=0=---

-----------------------------------------

نهاري خلص بكير مغير العادة

--==0*0==-- والمسا بعتم الليل علق

تيابو

وافتحت شباكي مشرف على الوادي

--==0*0==-- شفت القمر سهران ومشرع

ابوابو

عامل شوية غزل لليل زوادة

--==0*0==-- يقرا بصفحة عشق ويقلب

كتابو

اول الصفحات شو بحبها زيادة

--==0*0==-- فيها تعلمت الغزل وقلوبنا

انصابو

تكتب وصف فيها الاقلام معتادة

--==0*0==-- والحرف مابيتعب لو شاف

احبابو

الشعر شملة قمح عالمشبك تنادي

--==0*0==-- وزرقة مواج البحر بعيونها

دابو

كاسة خمر الشفاف بتسكر الشادي

--==0*0==-- وجوري الورد نعسان بخدودها

غابو

عادفتر شعاري غفيت عاملو وسادة

--==0*0==-- ونام القلم سكران ماعرفت شو

صابو

-----------------------------------------------

صباحكن شوية غزل

صباح الحب

غوالينا

د اليان سمعان سفير السلام كاليفورنيا