.......( وطنْ... من غير دلّاعه) ....
وطن... ينزف زلم من قامت الساعه
ولهسه أرواحهم........ بالظلمه لمّاعه
وطن مذبوح... من سجينـة أذراعه
وغفه مهموم........ واللوعات لسّاعه
وطن مالوم... دمّه أنروت بي گاعه
وطفت شمعة شبابه أبريح ملتاعه
وطن... نشفت ثدايه الخير
بي !!! جيرانه رضّاعه
وتعنت حاويات البين
عالوجنات صدّاعه
وطن.... يا ساحة التحرير...!!!!!
بيك أصبحت ولاعّه
شباب وزودهم مهيوب
وأتربّوا عله اطباعه
وفّـي... وزيج الكرم مفتوح
للجوعان شبّاعه
وشجاعه ألها الحجي مشهود
ما يحتاج شمّاعه
وطن.... انت أبسفينة نوح
عوذه الحفظت أشراعه
وطن... يا مهبط الأديان
بي يعثر الما طاعه
وطن.... بيه الطفوف أتموج
يندم حيل من باعه
وطن...!!!
لب الحضاره.. ونبع للقانون
تنزف ليش كل ساعه..!!؟؟
بقلمي.. الشاعر حاكم الأسدي.. العراق
تعليقات
إرسال تعليق