( هاخد حقي منك )
أنا هاخد حقي منك
وبزيادة كمان
وهكسرك وأذلك
وأنا راضي ومش ندمان
******
بعد ما جنيت عليا
وعايشتني في آسية
أنا إديتك عمري كله
ما إديتني غير حرمان
******
أنا كنت بخاف عليك
وبمسح دمع عينيك
لحظة ما الكل سابك
أنا شيلتك جوا عينيا
وحميتك من الزمان
******
دلوقتي إبعد وروح
وياروح ما بعدك روح
أنا جبت أخري معاك
ومش ناقص تاني جروح
******
رميت حبك بعيد
وهأبدأ من جديد
وإنت شوف حياتك
ودور على الأمان
******
وإنت ياقلبي كفاية
خلصت معاه الحكاية
بيعه زي ما باعك
وداوي جرحك بالنسيان
******
ما أنا هاخد حقي منك
وبزيادة كمان
وهكسرك وأذلك
وأنا راضي ومش ندمان
*******
أنا هاخد حقي منك
بقلمي الشاعر/ وحيد محروس خليل
تعليقات
إرسال تعليق