قصيدة/ غيرك مفيش متصدقيش مهما قالوا عنى انى مبحبكيش٠
متصدقيش دا انتى ساكنه قلبى وغيرك مفيش٠
سيبى الكل عايش فى اوهامه ٠
سيبى الكل عايش فى احلامه٠
سبيهم يرسموا لوحات ليهم فى الهوا ٠
وقصة حبنا هتدوم طول ماحنا سوا ٠
سبيهم يبنوا ليهم قصور من الرمال ٠
وفجأة هيلاقوا اللى بنوه كله زال٠
متصدقيش مهما قالوا عنى انى مبحبكيش٠ متصدقيش دانتى ساكنه قلبى وغيرك مفيش ٠
دا انتى البحر والأمان انتى الشط والدفئ ٠
أنتى ألحب والحنان أللى من الكون اختفئ ٠
ليه بيلمونا فى حبنا طيب يتعلموا الحب مننا٠
الحب مش كلام وخلاص مابين اثنين ٠
الحب احساس وشعور جميل مابين قلبين ٠
الحب يكون من نظرة عين مليانا حنين ٠
متصدقيش مهما قالوا انى مبحبكيش ٠
متصدقيش دا انتى ساكنه قلبى وغيرك مفيش٠
مهما قالوا ومهم عادوا ومن كلام الغيرة زادوا ٠
مش هيذدنا كلامهم الا صبر وبعد عنهم ٠
ياما سمعنا كلامهم ياما خلوا كل حياتنا غياما٠
هاتى يلا الايد فى الايد وعن العزال نبعد لبعيد٠
وتوبه خلاص من بعد اليوم نسمع تانى كلام اللوم٠
علشان بكرة اكيد دا بتاعنا ٠
ولا شئ تانى فى يوم يوجعنا ٠
مهما قالوا غيرك مفيش٠
شعر /كمال البنا
١١/ ١/ ٢٠٢٠
تعليقات
إرسال تعليق