أنا وطيفك
------------------
عارف ليه وياك الدفا ..؟؟
عشان ف حبك كل الوفا
ساعتها بس بكون مرتاح
لما بشوف في عيونك صفا
لو تناديني تلاقيني جمبك
مانا اللي دايب ويا قلبك
بسهر ليلاتي فيك اناجي
وأغزل اجمل الحان لحبك
وانام واقوم طيفك معايا
شايفك تملى قدامى وورايا
عارف بشوفك تانى فين ؟؟
لما ابص لنفسي ف مرايا
لما تجيني بحس بحياتي
بنسى ساعتها ٱلام ذكرياتي
واسمع كلامك لحن متغني
يارتني اسمع نغمك ليلاتي
قلبك يأمرك ...عليا تطل
وشمس حبك لقلبي تهل
وبطلتك ..تفرح روحي
وافرش قلبي ليك بالفل
أنا وطيفك بنقضي ساعات
يحلا غنانا من غير الٱهات...
ونقول كلام عمره مااتقال
ولا اتعزف ف يوم نبضات
بتمني ساعتها يطول الليل
وقلوبنا تقول اجمل مواويل..
وكلامه واحساسه ياخدني.
ويشفي بحبه قلب عليل
-----------
بقلمي رمضان عبد الله أحمد
تعليقات
إرسال تعليق