--**-- بيكفي بقا تعبنا --**--
...................................
بيكفي بقا تعبنا مابدنا سلاح
----- ماتم عنا بيوت خربها
الدمار
بدنا بقا وحلن اطفالنا ترتاح
----- تعبت قلوبن اطفالنا
الزغار
بيخافو ينامو من شوفة الاشباح
----- والقصف شعّل الدنيا
بنار
يارب بدنا هيك يطلطل هالصباح
----- يضوي الامل ويتفاهمو
الكبار
حرب ودمار ونار تعبت الارواح
----- وقلوبنا بتسال ببلادنا شو
صار
دخلك يارب الكون رجع الافراح
----- ورّد اطفالنا تلعب عاباب
الدار
ابواب السلام راح نسكبلها مفتاح
----- وزهور المحبة نزرعا
باذار
فجر الفرح ياولاد قرّب لاح
----- بكرى منرجع منعاود
الاعمار
ارجع ياوطن حلك بقى ترتاح
----- عطرك محبة دوم وياسمين
وغار
..........................................
صباح السلام والمحبة والتسامح
من سفير السلام في كاليفورنيا
د اليان سمعان
تعليقات
إرسال تعليق